Urhulumente wephondo iMpuma Koloni ebambisene neenkokeli zemveli, usungule iphulo loqeqesho lweengcibi namakhankatha. Isebe lentsebenziswano kulawulo nemicimbi yemveli, uCogta, lithe olu qeqesho lungajonga ukudibanisa ungenelelo lwezonyango kulwaluko lwesintu. Eli sebe lithi lifumanise ukuba kukungakhathali, ukunganakekelwa kakuhle, ukubethwa, nokunganikwa manzi kwabakhwetha okuphembelela ekubhubheni kwabakhwetha abaninzi. Isebe likwafumanise ukuba iingcibi azizicoci ngokufanelekileyo izixhobo zokolusa amakhwenkwe, ntoleyo enokuphembelela okosulelekeni kwabakhwetha ngugawulayo nezinye izifo. Eli phulo liqale Emaxesibeni, eMthatha naseLusikisiki, kwaye lizakunwenwela nakwezinye iindawo.