Inkokheli yeDA uJohn Steenhuisen, ibhengeze ukuba ayizukuphinda izigqatsele isihlandlo sesithathu njengenkokeli yeDA. USteenhuisen wenze esi sibhengezo ngethuba ethetha noonondaba eThekwini kwiphondo iKwaZulu Natal, kusasa namhlanje. Inkomfa yonyulo yalombutho ihlelelwe ukuba ibanjwe kwinyanga kaTshazimpuzi. USteehuisen okwangumphathiswa wesebe lezolimo kurhulumente wobumbano lwesizwe, uthi ufuna ukuqinisekisa ukupheliswa kwesifo senyebethu nochwane. U-Steenhuisen uqale kwezopolitiko kwiminyaka engamashumi amathathu eyadlulayo. Ukujonga nzulu umba wenkokheli ye DA uJohn Steenhuisen, emnxebeni sikrwece ingcali kwimiba yezopolitiko, unjingalwazi Ntsikelelo Breakfast.