Umongameli weANC uCyril Ramaphosa udandalazisa isicwangciso sokusebenza sokuhanjiswa kweenkonzo kooceba ababalelwa kumawaka angaphezulu kwamathandathu balo mbutho kwibala lezemidlalo eFNB eRhawutini namhlanje. Esi sicwangciso siphunyezwe kwindibano yekomiti yesigqeba salo mbutho ebibanjwe kwimpelaveki esisuka kuyo. Esi sigiqbo sijonge ukufumana izisombululo kwiingxaki zokufeda kokuhanjiswa kweenkonzo koomasipala abangamakhulu amabini namashumi amahlanu anesixhenxe beli lizwe abakhokelwa yiANC.