Kuzakubanjwa umngcelele ochasene nokusetyenziswa kweziyobisi kwindawo eyaziwa ngokuba yi-California kwisixeko sakuGompo, eMpuma Koloni. Oku kulandela umngcelele obubanjwe kwiveki ephelileyo yimibutho engenzi nzuzo noluntu ngokubanzi, kula masipala umbaxa we Buffalo City nobuchasene nokubekwa kwekumkani yesizwe sama-Igbo yase Nigeria kulommandla, mngcelele lowo ojike wanodushe. Kuvakala ukuba udushe lwaqala kanye kule ndawo ibizwa i-California. Ukanti nosodolophu walo masipala uPrincess Faku umemelele uluntu ukuba luphume ngobuninzi lubeyinxalenye yomngcelele wangolwesihlanu onjongo zawo ikukuphelisa iindawo ezirhanelwa ngokuba zithengisa iziyobisi kule dolophu.