Umbutho iNkatha Freedom Party, uqinisekise ukuba kubulewe omnye uceba wabo eMsinga, kumbindi wephondo iKwaZulu-Natal. UJames Mabaso, ebekuluhlu labagqatswa balombutho kunyulo oluzayo loorhulumente basekhaya. Lo ngumgqatswa wesithathu weIFP obulewe kweli phondo kule nyanga yoMsintsi. Kwiveki ephelileyo, abagqatswa ababini beewadi kumasipala waseMshwathi naseMlalazi, badutyulwe babulawa kwiziganeko ezahlukileyo.