Inkulubaphathiswa yaseGauteng uPanyaza Lesufi, ibhengeze ukubhangiswa kwamagosa alwa nolwaphulo mthetho eRhawutini nabesaziwa ngegama lamaPanyaza. Oku kuza emva kokuba i-ofisi yomkhuseli woluntu ifumanise ukuba ukusungulwa kweliqela kwakungekho mthethweni. U-Phanyaza uthi la magosa azakufumana uqeqesho kangangeenyanga ezilishumi elinesibhozo ukuya kwezingamashumi amathathu anesithandathu, ukuze babe yinxalenye yamapolisa ezendlela eGauteng, abanye bathunyelwe kwicandelo lezokhuseleko. Eli qela AmaPanyaza, nelasungulwa ngo-2023, liye lajamelana neengxaki eziqhubekayo malunga nokuba semthethweni kunye nendima yalo kwicandelo lonyanzeliso lomthetho....