Ingxelo ekhutshwe liziko leenkcukacha manani, uStatSA, idiza ukuba lenyukile izinga le ntswela-ngqesho eMzantsi Afrika kwikota yokuqala ka 2025. Kungoku nje limi kumyinge ka 32.9 weepesenti ekhulwini ntoleyo ethetha ukuba lenyuke ngepesenti enye xa kuthelekiswa nekota yokuqala yonyaka odlulileyo, u2024. Ngabantu abangamawaka angamakhulu amabini namashumi alithoba ananye (291,000) abaphulekene nemisebenzi. Oku kugqithisile kumlinganiselo obuqikelelwa ngoosoqoqosho beli. Elona phondo litshatshela phambili nguMntla Ntshona, ulandelwe yiMpuma Koloni, ze yona ilandelwe yiMpumalanga. Sihleli nengcali yethu kwimiba yezengqesho noqoqosho, uBukani Mngoma, sikwanaye nophuma kumbutho olwa intswelangqesho kubantu abatsha, iHarambee Youth Employment Accelerator, uThulisile Ndlovu...