Siqhwatyelwe izandla licandelo lezoshishino isiphakamiso sikamongameli Cyril Ramaphosa sokuseka iinkundla ezikhethekileyo, ezizakujongana nokusumbulula amatyala embambano yezoshishino kuquka neziniki maxabiso. Ngethuba lentetho engobume besizwe ebutsheni balenyanga, uRamaphosa uthe uceba ukuseka ezinkundla nezizakuqwalasela ngokukhawuleza amatyala ezoshishino. Uthi ezi ziinzame zokuqinisekisa ukuba lamatyala awahambi ngonyawo lonwabu ze alibazise amaphulo ophuhliso. Ukanti umbutho weeJaji iJudges Matter wona uthi, nangona ilicebo elihle eli kodwa alinakusombulula iingxaki ezijongene nelicandelo ngokwendlela elichazwe ngayo ngumongameli. Ukushukuxa banzi lomba, emnxebeni masamkele ophuma kumbutho iJudges Matter, uMbekezeli Benjamin...