Usekela mphathiswa wesebe lomkhosi kweli uBantu Holomisa, uthi urhulumente usajongisisa ezinye iinkalo zokuxhasa umkhosi weli ngezimali kwiingxaki ojongene nazo, kuquka nokusebenzisana necandelo labucala. UHolomisa ulumkise ngelithi, umkhosi weli awunakuxhomekeka kwinkxaso mali ephuma kwi ofisi kanondyebo kuphela, ukuqubisana nemingeni equka ukushokoxeka kwezixhobo neziseko zokusebenza. Lo kaHolomisa ebethetha kwindibano yeLekgotla edibanisa abathathi nxaxheba kwelicandelo, ngemingeni ejongene nomkhosi weli nechaphazela ukusebenza kwawo. Sihleli nosekela mphathiswa wesebe lomkhosi kweli, unjengele Bantu Holomisa...