Siqukumbela iveki siqwalasela imiba etshisa ibunzi, siqala ngezakutshanje kwisigwebo seNkundla ePhakamileyo eNtshona Koloni, negwebele ngakwicala lika Mongameli uCyril Ramaphosa, ithintela ikomiti yasepalamente eqwalasela ukuguzulwa kwakhe ngomba webholo lefama yakhe iPhala-Phala. Umongameli uCyril Ramaphosa ukrwece lenkundla ukuba imise iinkqubo zalekomiti ngelixa kusalindwe umba wesicelo sakhe sokuqwalaselwa kwakho kwengxelo yegqiza lophando elizimeleyo iSection 89, neyafumanisa ukuba kukhona anokuphenduliswa ngako uRamaphosa kwibholo lePhala-Phala. Kwelinye icala, abemi base Ghana ababini  babhenele kwinkundla yolwaphulo mthetho yehlabathi, befuna ivule uphando ngento abathi kukuhlaselwa kwabemi bangaphandle eMzantsi Afrika,  ngelixa umongameli wase Melika uDonald Trump, ebhengeze ukonyuswa kwerhafu yeemveliso eziphuma kumazwe angaphandle angamashumi amathandathu, naquka uMzantsi Afrika.