Ikomiti yepalamente ejongene nesebe leenkonzo zoluleko ivakalisa inkxalabo ngokugcwala ngokugqithisileyo kwamaziko oluleko kweli. Le komiti ithi imithetho ekhoyo ejongene nokulawula ukugcwala kwala maziko ayenzi ngokwaneleyo ukuqubisana nale ngxaki. Oku kuvele ngethuba le komiti ifumana ingxelo yesebe leenkonzo zoluleko ngomthetho ojongene nenkonzo zobulungisa uSection 49G, no Section 62F ojongene nolwaphulomthetho. Yomibini lemithetho ijongene neenzame zokwehliswa ukugcwala ngokugqithisileyo kumaziko oluleko eli. Usihlalo wale komiti uKgomotso Ramolobeng, ukhuthaze iziphathimandla zesebe lezobulungisa nelezobulungisa nophuhliso lomgaqosiseko ukuba ziqinise isandla ukuqinisekisa ukuba lemithetho imiliselwa ngokuyimpumelelo. Sihleli nosihlalo wekomiti yepalamente ejongene nesebe leenkonzo zoluleko uKgomotso Ramolobeng...