Amalungu ekomiti yepalamente ejongene nesebe lomkhosi kweli, nekomiti yomkhosi namagqala, avakalisa inkxalabo yimeko yemida engena kweli lizwe, nalapho evakalise ukuba ayilawulwa ngendlela eyiyo ukuthintela ukungena ngokungekho mthethweni kwabantu. Lamalungu athi azakufaka isiphakamiso kunondyebo sokuba kongezwe imali kumkhosi weli kwiinzame zokuqinisa ulawulo nokusebenza kwimida yeli. Oku kuvele ngethuba lamalungu epalamente ebekutyelelo oluntsukumbini kumda iBeitbridge Border Post, ngaphandle kwase Musina eLimpopo. Sihlelo nosihlalo wekomiti yepalamente ejongene nesebe lokhuseleko nomkhosi ugqirha Malusi Gigaba....