Umphathiswa ojongene namanina, ulutsha nabantu abakhubazekileyo  kwi-ofisi kamongameli, uSndisiwe Chikunga, wenze isimemelelo sokuba kukhuselwe amashishini amanina emva kwesibhengezo sokwenyuswa komrhumo  ngomyinge wamashumi amathathu ekhulwini  yi Melika, kwiimveliso eziphuma kweli. Umphathiswa ebethetha kwingxoxo mpikiswano yamanina engorhwebo noshishino, iWomen's Trade Dialogue, ebibanjwe eSandton eRhawutini. Le ngxoxo ibibanjwe phantsi komxholo othi "Building Resilient Economies for All," ijolise ekuphuhliseni amanina kwicandelo elingabhaliswanga ngokusesikweni, nokuphucula indlela abanokufumana ngayo inkxaso ebalulekileyo namathuba orhwebo. Umphathiswa uChikunga ubalule iinzame zikarhulumente zokuxhasa amashishini enza iimveliso ezithunyelwa ngaphandle, ebalula ukuba isebe lorhwebo nokhuphiswano linceda iinkampani ezichatshazelwe yintlawulo yomrhumo engumyinge wamashumi amathatu ekhulwini.