INTRO: URhulumente umema abemi boMzantsi Afrika ukuba bavakalise izimvo zabo kwiinguqu eziphakanyiswayo ngesibonelelo sexesha leCovid-19, iSocial Relief of Distress Grant (SRD ngamafuphi). Ngethuba uMongameli Cyril Ramaphosa esenza intetho engobume besizwe kwiveki ephelileyo, ubhengeze ukuba esisibonelelo semali engamakhulu amathathu namashumi asixhenxe eeRandi (R370), siyandiswa de kube sekupheleni kwenyanga yoKwindla kunyaka ozayo, ngohlobo esilulo ngalo mzuzu.