INTRO: Isebe lemfundo ephakamileyo noqeqesho, libhengeze ukuba izakuyekiswa inkqubo yezifundo ebizwa iNational Accredited Technical Education Diploma, NATED ngamafuphi, nekuthi akuphumelela umfundi afumane isiqinisekiso senqanaba uN4-N6. Isebe lithi lenkqubo izakukhutshwa kwiinkqubo zoqeqesho lwabafundi kuwo onke amaziko emfundo ephakamileyo oqeqesho nobugcisa, i-TVET colleges ukutsho. Lenkqubo sele iyiminyaka iyintsika yemfundo esetyenziswa ukuphuhlisa abafundi ngezakhono ezahlukileyo, ezifumaneka kwizifundo ezaziwa ngokuba yi191 Report programmes.