Umphathiswa wezothutho kwiphondo laKwa-Zulu Natal uSiboniso Duma, uthi abaqhubi kuquka nabanini be-taxi nesigadla ezigaxeleke kwingozi esube imiphefumlo elishumi elinanye, eLotus Park, e-Isipingo kumazantsi eTheku, kufuneka bajamelane namatyala okubulala. UDuma uthi ingxelo yokuqala yohlolo lwalengozi, ifumanise ukuba esisigadla besingakulungelanga ukubasendleleni, logama le-taxi yona ibigcwele ngokugqithisileyo. Abakhweli abalishumi elinanye abaquka umfundi oneminyaka elishumi elinesithathu ubudala, baswelekele kwindawo yexhwayelo. Ukanti abanye abakhweli kuquka nomqhubi we-taxi, bafumene umonzakalo omandla...