Umbutho woluntu iFreedom Under Law, ulumkise ngelokuba inkundla yomgaqo-siseko yeli ijamelene noxinizelelo olumandla olubeka umngcipheko wokuba ingakwazi ukwenza umsebenzi wayo ngokugqibeleleyo. Oku kudakancwe kwingxelo yalombutho ekhutshwe kuleveki, enesihloko sithi " A review of the Constitutional Court's jurisdiction and operating practices, in light of its increased workload and consequential delays". Le ngxelo igxile kwizicelo zezibheno, ukukhula kweqondo lokulibaziseka kwemisebenzi yayo kwakunye nemingeni eyibeka phantsi koxinezelelo. Ngokwalengxelo ye FUL, liphinda-phindene kathathu inani lezicelo ezifakwa kulenkundla ukusukela ngo 2010, nalapho ifumana izicelo ezisondele kumakhulu amane ngonyaka. Ngaxeshanye, ukulibaziseka kokubanjwa kweenkqubo zokuphonononga ubungqina kwakunye nokuwiswa kwezigwebo, kuphinda-phindene kabini kule minyaka ingamashumi amabini egqithileyo, ngelixa izicelo zezibheno zihlala iinyanga zingekasonjululwa. Lengxelo iza kanye ngexesha inkundla yomgaqo siseko ijamelene nezigxeko ngokulibaziseka kokuwiswa kwezigwebo, ingakumbi kumba wokuwiswa kwesigwebo ngebholo le Phala Phala, nokuthathe iinyanga ezilishumi elinesixhenxe.