Umphathiswa worhulumento ngentsebenziswano kwiphondo iMpuma Koloni, uZolile Williams, ukhuphe isilumkiso kwiinkokheli zeANC kumasipala ombaxa iBuffalo City, sokuba bajamelene nomngcipheko wolawulo ngorhulumente wentsebenziswano emva konyulo loomasipala lonyaka ozayo, ngenxa yokungaboni ngasonye kwezopolitiko kulombutho. Intetho kaWilliams iza emva kokukhutshwa kwengxelo yesebe engemiba yoomasipala abasixhenxe abangasebenzi kakuhle kweliphondo, apho umasipala iBuffalo City ubalulwe njengo ngakhange ulandele nosileleyo ukuthobela imigaqo-nkqubo efanelekileyo yenkqubo yentengo, phakathi kwezinye izinto. Ingxelo eyothusayo ekhutshwe ngoLwesine weveki ephelileyo, ifumanise ukuba lomasipala umbaxa unike ezinye iziniki maxabiso ngokwenza izicelo zokufumana imvume yokungalandeli imigaqo, nalapho ezinye zingangqamani nemiqathango yenkqubo yentengo.