Ingxam yobungqina besajini yamapolisa enqunyanyisiweyo, uSamkeliso Mlotshwa, phambi kwekomiti yethutyana yasePalamente eqwalasela inkxalabo ngokhuseleko lesizwe, ikhombe iminwe kuMkomishinala wamapolisa ephondo iKwaZulu Natal, uLieutenant General Nhlanhla Mkhwanazi. Ukunikezela kwakhe ngobungqina kule komiti, kuyinxaleneye yokuthath'inxaxheba koluntu kumsebenzi wale komiti, wokuphanda izityholo zolwaphulo mthetho, kwinkonzo yesipolisa, urhwaphilizo, nongenelelo lwepolitiki kwinkqubo yobulungisa yeli. UMlotshwa, ukwatyhole uMkomishinala wamapolisa kuzwelonke uGeneral Fanie Masemola, ngokusilela ukuthatha amanyathelo ngaku Mkhwanazi, nangona nje ebeneenkcukacha ezaneleyo, ngezinto azenzayo.