Kutsha nje, ikomiti ejongene norhulumento ngentsebenziwano nemicimbi yemveli kwiphondo iMpuma Koloni, imeme umphathiswa wephondo nabanye oomasipala ebone kukho isidingo sokuba bavele phambi kwayo. Abamasipala baquka iBuffalo City, Raymond Mhlaba, Makana, Walter Sisulu, Ingquza, Sundays River Valley ne Sakhisizwe  Oku kusukela kwintlanganiso ebibanjwe yikomiti kwinyanga ephelileyo nalapho kufunyenwe iingxelo ezingoomasipala ezisuka kwi-ofisi yomphicothi zincwadi nesebe lemali kwiphondo. Le komiti igqibe ekubeni iqwalasele oomasipala abaliqela ukubonisana nabo ngemiba eliqela ebalulwe kuSection 71, nakwingxelo yomphicothi zincwadi. Ikomiti ikwaqwalasele indlela othotyelwa ngayo umthetho woomasipala iMunicipal Systems Act, ngumphathiswa wephondo.