Ilse Salzwedel praat met prof. Naomi Morgan oor haar jongste vertalings uit Frans: die drama ONS WAG OP GODOT (waarvoor sy pas met die UJ-Prys bekroon is), en DIE ANDER DOGTER, ‘n novelle deur Annie Ernaux. Johan Myburg bespreek die BBC se lys van topverkoperboeke vir die eerste ses maande vanjaar, en jy kan ook uitvind hoekom die Britse Polari-letterkundeprys nie meer vanjaar toegeken gaan word nie. Dan is daar ook ‘n kykie na die kortlyste vir die Netwerk24/KykNET/Rapport-boekpryse, en die benoemings vir die ATKV-Woordveertjies.

n Program oor skrywers en digters en die boeke wat hulle skryf.

Skrywers en Boeke

Skrywers en boeke 27 Augustus 2025

Februarie word wêreldwyd as die maand van die liefde beskou. Ilse Salzwedel gesels met Chanette Paul, Irma Joubert, Elsa Winckler, Malene Breytenbach, Kristel Loots, Santie van der Merwe, Helene de Kock en Dina Botha oor die plek van romantiese fiksie in Afrikaans.  Johan Myburg praat oor die boeke op die langlys vir die Womens Price for Non-fiction; LOST LAMBS, ‘n aweregse, humoristiese roman wat die boekwêreld aan die gons het; en Cees Noteboom, die Nederlandse skrywer wat onlangs oorlede is.

Skrywers en boeke 18 Februarie 2026

Ilse Salzwedel gesels met Philip de Vos oor sy boek, DIE JAAR TOE DIT GEMMERBIER GEREËN HET. Dié prettige storie word op RSG voorgelees. Elna van der Merwe, die organiseerder van die Stilbaai-boekefees (wat op 27 en 28 Februarie gehou word), vertel waarna boekliefhebbers kan uitsien. Johan Myburg gesels onder andere oor WUTHERING HEIGHTS, wat al beskryf is as die grootste liefdesverhaal van alle tye, se gewildheid. Hy stel jou ook voor aan Megha Majumdar, die wenner van ‘n belangrike Amerikaanse fiksieprys, en vertel meer oor Arturo Pérez-Reverte, ŉ vooraanstaande Spaanse skrywer, se kommer oor die verval van sy taal.

Skrywers en boeke 11 Februarie 2026

Akademikus, aktivis, die mense se digter, kultuurleier… Dit was Dr. Diana Ferrus, wat op 30 Januarie 2026 oorlede is. Sy was 72 jaar oud. Ilse Salzwedel het ‘n huldeblyk saamgestel oor haar lewe en werk. Verskeie mense deel hulle herinneringe aan hulle vriendin en mentor: Dr. Nico Koopman, prof. Steward van Wyk, die skrywer Ena Jansen, die skrywer Anzil Kulsen, Chareldine van der Merwe van die VVA, Anneghret Erasmus, bekroonde skrywer Gariyah Fredericks, bekroonde digter Lynthia Julius en Theo Kemp, hoof van die Jakes Gerwel-stigting.

Skrywers en boeke 27 Augustus 2025

Skrywers en Boeke

In 1 playlist(s)

Skrywers en Boeke

Social links

Recent clips