Wie was Karel Schoeman werklik? In ‘n geredigeerde gedeelte van sy aanbieding, AANKOMS, AFSKEID en VERTREK: MY VRIENDSKAP MET KAREL SCHOEMAN, belig die skrywer Fanie Viljoen ‘n ander kant van Schoeman. Johan Myburg vertel meer oor Irvin Welsh se nuwe roman RESOLUTION, en gesels oor Christopher Marlowe, ‘n Engelse digter wat in dieselfde jaar as William Shakespeare gebore is. Johan het ook nuus oor nuwe lekkerleesboeke uit die internasionale boekewêreld. AJ Opperman onthou die skrywer, Chris Barnard, wat op 15 Julie sy 85e verjaarsdag sou gevier het.

n Program oor skrywers en digters en die boeke wat hulle skryf.

Skrywers en Boeke

Skrywers en boeke 24 Julie 2024

Die skrywer, Audrey Blignaut, is op 6 Julie 1916 gebore. Ons stap terug op haar spore. Jy kan luister na ‘n argiefopname van Bettie Kemp se program, DAAR'S INK IN ONS ARE, oor Blignaut en haar dogter Marie Heese. Die joernalis, AJ Opperman, vertel ook meer oor Audrey en haar groot bydrae tot die Afrikaanse boekwêreld.

Skrywers en boeke 17 Julie 2024

Ilse Salzwedel gesels met Helena Hugo, een van die mense wat al jare lank sorg vir radiodramas en vervolgverhale op RSG. Het jy geweet sy het al 87 boeke geskryf? Ilse gesels ook met Henda Olivier oor haar tweede boek, ONDER WATER, ‘n roman in die huishoudelike noir genre wat lesers behoorlik aan die gons het. Johan Myburg vertel van die jongste verwikkeling in die polemiek oor die Indiese skrywer, Arundhati Roy, wat midde in politieke omstredenheid met ‘n Britse prys bekroon is. Hy gesels ook oor Ismail Kadare, ‘n jarelange aanspraakmaker op die Nobelprys vir letterkunde, wat verlede week oorlede is.

Skrywers en boeke 10 Julie 2024

Ilse Salzwedel vertel meer oor die kortlys en wenner van die UJ-prys. Johan Myburg, vanjaar se Innibos-feesdigter, lees die gedig voor wat hy in opdrag van die fees geskryf het. Johan het ook ‘n bydrae oor Iris Murdoch, en nuus oor Karin Slaughter se nuwe roman WHY WE LIED, asook haar betrokkenheid by ‘n veldtog om VSA-biblioteke se deure oop te hou. Ons kyk terug in die letterkunde-geskiedenis met behulp van ‘n kort onderhoud met die Sestiger, Ettienne Leroux. Ilse gesels met  Nicole Engelbrecht, skrywer van drie boeke oor ware Suid-Afrikaanse misdade  - SIZZLERS - The Hate Crime That Tore Sea Point Apart; SAMURAI SWORD MURDER: The Morné Harmse story en KILLER STORIES.

Skrywers en boeke 24 Julie 2024

In 1 playlist(s)

Skrywers en Boeke

Social links

Recent clips