Ilse Salzwedel gesels met Anoeschka von Meck oor haar nuwe roman, TWA DIE TYDLOPER, en SARIE se boekeredakteur Phyllis Green deel haar indrukke van die roman. Gys Visser, hoof van NB Uitgewers se regsdienste, verduidelik hoekom ‘n onlangse hooggeregshoofuitspraak dit voortaan soveel makliker en vinniger sal maak om mense te vervolg wat elektroniese weergawes van boeke onwettig versprei en aflaai. Dibi Breytenbach en Sidney Gilroy, twee skrywers wat hard baklei het dat vervolging moet plaasvind, gee ook hulle mening. Johan Myburg deel goeie nuus oor Gen Z in Brittanje se leespatrone, en vertel meer oor die skrywer Khaleid Hossini se pleidooi teen sensuur.

n Program oor skrywers en digters en die boeke wat hulle skryf.

Skrywers en Boeke

Skrywers en boeke 21 Februarie 2024

Ilse Salzwedel gesels met Theresa Papenfus oor haar aangrypende biografiese boek, SING MAMMA SING! Dit handel oor die siekte en dood van haar jongste seun, Braam. Die boek is egter allesbehalwe ‘n klaaglied vir Braam, en bevat heelwat humor, staaltjies uit haar seuns se kleintyd en lieflike prosa oor lewensvreugde, vasbyt en genade. Johan Myburg bring hulde aan Alice Munroe, voormalige Nobelpryswenner, wat onlangs oorlede is. Hy vertel ook meer oor die kinderboekskrywer Katherine Rundle wat aangewys is as skrywer van die jaar in die British Book Awards. Jy kan ook meer uitvind oor VV Ganeshananthan en haar boek, BROTHERLESS NIGHT, wat pas met die Carol Shields-prys bekroon is.

Skrywers en boeke 22 Mei 2024

Ilse Salzwedel bring hulde aan prof. Maritha Snyman, kinderboekskrywer, akademikus en voormalige uitgewershoof, wat onlangs oorlede is. Vier voormalige studente/kollegas (Drr. Nandi Lessing-Venter en Marieta Nel, Samantha Miller en Anzil Kulsen) gesels oor Maritha se werk en menswees. Johan Myburg gesels oor die voordele van hardop voorlees vir kinders, ‘n leeslys vir twintigplussers wat deur ‘n Indiese webwerf saamgestel is en die kortlys vir die Ondaatjie-prys, ‘n belangrike internasionale letterkundeprys. Kinderboekskrywer De Wet Hugo praat oor sy skryfwerk en ‘n nuwe boek wat as een van die twee wenners van NB se 2023 Jeugboekpryse aangewys is.

Skrywers en boeke 15 Mei 2024

Ilse Salzwedel gesels met Portchie oor sy outobiografie, VAN TWEELING TOT TRAFALGAR SQUARE. Die skrywer en joernalis, Alita Steenkamp, is op 1 Mei oorlede – luister na ‘n onderhoud wat in 2023 met haar gedoen is oor haar skrywersloopbaan en boeke. In sy bydrae gesels Johan Myburg oor ‘n nuwe boek uit die pen van die Johannesburgse skrywer Nic Mohlongo. Hy vertel ook meer oor Isabelle Hammad, wie se roman ENTER GHOST met die Aspen-letterkundeprys bekroon is, en bring hulde aan die Amerikaanse skrywer Paul Auster wat onlangs oorlede is.

Skrywers en boeke 21 Februarie 2024

In 1 playlist(s)

Skrywers en Boeke

Social links

Recent clips