Ilse Salzwedel gesels met Martin Steyn oor sy bundel kortverhale, SKIMME EN SPOORSOEKERS. Die resensent, Jannes Erasmus, praat oor vier boeke wat hy kan aanbeveel  - DRIE MISDADE IN ‘N KNOOP, VOLMAAN IN BAVIAANSKLOOF, DIE AVONTURE VAN HELGA ROETS en EINDE EN BEGIN. Johan Myburg vertel hoekom Amazon aan die Parys-boekefees in Frankryk onttrek het, en stel ons voor aan die Guyanese skrywer en digter David Dabydeen. Jy kan ook meer uitvind oor ‘n nuwe biografie oor Yoko Ono, John Lennon se weduwee en ‘n bekende kunstenaar uit eie reg.

n Program oor skrywers en digters en die boeke wat hulle skryf.

Skrywers en Boeke

Skrywers en boeke 18 Maart 2026

Albé Grobbelaar, bekend vir sy HISTORIESE ALMANAK-bydraes op RSG, gesels oor die gelyknamige boek wat onlangs uit sy pen verskyn het. Die skrywer, Sjaka Septembir, gesels oor sy jongste roman, DHARMA-DWAAS IN DOODLOOPSTRAAT, en vertel hoekom randfigure en kontra-kultuur hom so fassineer. Jy kan ook luister na vyf bydraes uit die internasionale boekewêreld. Johan Myburg het nuus oor die langlyste van drie belangrike letterkundepryse: die International Booker-, die Womens Prize for Fiction, en die Dublin-letterkundeprys. Jy kan ook meer uitvind oor A FAMILY MATTER, die wenner van vanjaar se Gold Nero-prys. Johan bring ook hulde aan die skrywer, Dan Simmins, wat onlangs oorlede is.

Skrywers en boeke 11 Maart 2026

Sowat 70% van Suid-Afrika se Graad 1 tot 3 leerders se leesvaardigheid is nie op peil nie, en byna ‘n kwart van leerders in sekere taalgroepe kan teen Graad 3 nog nie lees nie. Ilse Salzwedel wil by drie kenners weet waar die fout lê: by die regering, onderwysers of ouers? Sy praat met hulle oor die krisis, en hulle deel ook handige wenke vir ouers, onderwysers en versorgers om kinders te help om beter te lees. Die kenners is Christien Neser (spraakterapeut en skrywer van 20 kinder- en jeugboeke), emeritus-professor Michael le Cordeur (‘n kenner in opvoedkunde) en Chareldine van der Merwe van die Vriende Van Afrikaans (VVA), ‘n nie-winsgewende organisasie wat die afgelope dertig jaar al leesvaardighede onder Afrikaanse kinders landswyd bevorder.

Skrywers en boeke 4 Maart 2026

Daniël Lötter, skrywer van verskeie nie-fiksie boeke, gesels oor sy debuutroman, WAAR DIE LAMMERS NIE SUIP NIE. Phyllis Green, SARIE se boekeredakteur, gesels oor twee boeke wat sy kan aanbeveel: Christiaan Bakkes se roman SOETDORING IN DIE RUIGTES en THE RIFT – SCAR OF AFRICA, ‘n koffietafelboek deur Shem Compion. Jy kan ook ‘n kort voorlesing hoor uit Christiaan se roman. Kom vind uit watter skrywers is op die kortlys vir LAPA se Jeugromankompetisie. Daar is ook drie internasionale bydraes deur Johan Myburg. Hy vra die vraag of boeke werklik verfilmbaar is, en vertel hoe die Nobelpryswenner Ohran Pamuk oor filmmakers se kreatiewe vryheid voel.  Johan vertel ook meer oor die Amerikaanse aktrise, Viola Davis, se eerste roman, wat sy saam met die bekende James Patterson geskryf het. Jy kan ook meer uitvind oor die biografie van  Gisèle Pelicot, die Franse vrou wie se man haar bedwelm het en deur talle ander mans seksueel laat misbruik het.

Skrywers en boeke 18 Maart 2026

In 1 playlist(s)

Skrywers en Boeke

Social links

Recent clips