Ilse Salzwedel gesels met Jaco Jacobs, wat vanjaar sy 25e jaar as skrywer vier met die publikasie van sy 300e boek. Theo Kemp vertel meer oor die Jakes Gerwel Stigting se gratis boekprogram by vanjaar se Suidoosterfees. In Johan Myburg se internasionale insetsels kan jy meer uitvind oor die die Bologne-kinderboekfees, asook die ses boeke op die kortlys van die Dublin Letterkundeprys, en nuwe eerbetoon aan die skrywer Jhumpa Lahiri. Jy kan ook uitvind wie vanjaar benoem is vir die literêre pryse van die Suid-Afrikaanse Akademie vir Wetenskap en Kuns.

n Program oor skrywers en digters en die boeke wat hulle skryf.

Skrywers en Boeke

Skrywers en boeke 15 Maart 2026

Ilse Salzwedel gesels met Lizette Rabe oor haar boek, 101 REMARKABLE SOUTH AFRICAN WOMEN, en vra haar ook uit na die vaardighede wat ‘n goeie skrywer en joernalis nodig het. Daar is meer oor die finaliste vir vanjaar se Tafelberg Jeugboekpryse, wat verlede week aangekondig is. Johan Myburg vertel meer oor die ses boeke op die kortlys vir die International Booker, en in sy tweede bydrae kan jy luister na ‘n kort uittreksel uit ‘n onderhoud waarin Arundhati Roy, wat onlangs aangewys is wenner van die Amerikaanse National Book Critics Award vir haar memoir, gesels oor MOTHER MARY COMES TO ME. Jy kan ook luister na ‘n kort uittreksel uit ‘n onderhoud wat Suzette Myburg verlede jaar gevoer het met Reginald Hufkie, ook bekend as Reggie Peace, oor sy boek VREDEMAKER. Dis aangewys as een van drie finaliste vir die Desmond Tutu Gerrit Brandprys vir Debuutwerke.

Skrywers en boeke 8 April 2026

Ilse Salzwedel gesels met Michele Meyer oor EINDE en BEGIN, en Dieter Holm vertel meer oor ELY HOLM: VAN BERLYN TOT HARTBEESPOORT, die boek oor sy bekende kunstenaar-ma. Johan Myburg het bydraes oor die Britse skrywer Len Deighton, wat onlangs oorlede is, die wenner van ‘n nuwe letterkundeprys ter ere van Hilary Mantel, en die kortlys van die tweede internasionale prys vir klimaatfiksie.

Skrywers en boeke 1 April 2026

Ilse Salzwedel gesels met Louis Jansen Van Vuuren oor BILTONG EN DIOR, sy nuwe bundel vertellings oor die lewe in Frankryk. SD Fourie, skrywer van DIE REIS, vertel meer oor die storie agter hierdie verhaal. In sy bydraes uit die internasionale boekewêreld, vertel Johan Myburg meer oor die topverkoperskrywer Colleen Hoover, en ‘n boek wat die Iranse vroueskrywer Shahrnush Parsipur vir vier jaar en sewe maande in die tronk laat beland het. Jy kan ook meer uitvind oor die langlys van die Carol Shields-prys.

Skrywers en boeke 15 Maart 2026

In 1 playlist(s)

Skrywers en Boeke

Social links

Recent clips