Luister na ‘n heruitsending van Bettie Kemp se 2004-hoorbeeld oor Anjie Krog en haar ewe bekende ma, Dot Serfontein. In Johan Myburg se internasionale boekenuus stel hy ons voor aan die skrywer Rachel Cusk. Haar roman, PARADE, is pas met die Goldsmiths-prys bekroon. Jy kan ook meer uitvind oor Hanif Kureishi se outobiografiese boek, SHATTERED, wat handel oor ‘n val wat hom verlam gelaat het. Johan vertel ook meer oor GABRIEL’S MOON, ‘n nuwe roman uit die pen van William Boyd.

n Program oor skrywers en digters en die boeke wat hulle skryf.

Skrywers en Boeke

Skrywers en boeke 13 November 2024

Sakejoernalis TJ Strydom gesels oor sy boeke oor drie leiers in die sakewêreld: Christo Wiese (RISIKO EN RYKDOM), Koos Bekker (BEKKER’S BILLIONS) en CAPITEC: STRYD MET DIE GROTES. Skrywer en letterkundige Jeanette Ferreira vertel van die boek wat haar lewenslank sal bybly. AJ Opperman vertel meer oor die digter Bibi Slippers wat onlangs verjaar het. In Johan Myburg se internasionale bydraes kan jy meer hoor oor Melissa Lucashenko, die Bollinger Everyman Wodehouse-prys vir humoristiese boeke (waar skrywers o.a. meeding om ‘n vark na hulself vernoem te kry) en A CITY ON MARS, wat onlangs met die Royal Society Trivedi-wetenskapprys in Brittanje bekroon is.

Skrywers en boeke 6 November 2024

‘n Huldigingsprogram oor die lewe en werk van prof. Hans du Plessis - digter, skrywer en akademikus. Hy is op 25 Okt 2024 oorlede. Die eerste gedeelte van die program bevat ‘n dokumentêr (DIE STORIEVERTELLER VAN DIE MOOIRIVIER) wat Ina Strydom in 2018 oor Du Plessis se werk saamgestel het. In die tweede gedeelte bring oud-studente, skrywers, voormalige kollegas, familie en vriende aan hom hulde. Die volgende mense se stemme kan gehoor word: Susan Lombaard van Maroela Media; sy seuns Louis, Hansie en Tjaard du Plessis; skrywers Helene de Kock, Irma Joubert, Sophia Kapp en Jaco Jacobs; proff. Heilna du Plooy en Willie Burger en Awie van Wyk, voormalige dirigent van die PUK-koor.

Skrywers en boeke 30 Oktober 2024

AJ Opperman onthou die lewe en werk van Dalene Matthee, wie se geboortedag ons vandeesweek herdenk. Ilse Salzwedel gesels met Helené Coetzee van Kaapstad oor twee van haar geliefkoosde boekplekke: die Mothercity Bookclub, en Kaapstad se Silent Bookclub. In Johan Myburg se internasionale nuus vertel hy waarom die pas aangewese Nobelpryswenner, Han Kang, geweier het om ‘n perskonferensie te hou oor haar bekroning, en ons vind meer uit oor die memoir wat die skrywer Siri Hustvedt tans skryf oor haar skrywerman, wyle Paul Auster. In ‘n lekker nostalgiese terugblik kry luisteraars die kans om die Knysnabos deur die oë van wyle Dalene Matthee te bekyk. Dis nou danksy ‘n 1985-hoorbeeld uit die argief waarin Dalene, haar man Larius, haar destydse uitgewer, dr. Annari van der Merwe, en wyle Nic Swanepoel saam die beroemde woud besoek het. BONUSINHOUD VIR POTGOOI: Jy kan hoor hoe Dalene Matthee aan die verhaal van FIELA SE KIND gekom het. Haar uitgewer, dr. Annari van der Merwe, wat jy ook in die hoorbeeld gehoor het, gesels met Dalene. En as jy nog altyd wou skryf, luister gerus na Dalene se raad wat sy in 1985 vir studente aan die destydse Potchefstroomse Universiteit gegee het.

Skrywers en boeke 13 November 2024

In 1 playlist(s)

Skrywers en Boeke

Social links

Recent clips