Die Departement van Basiese Onderwys het regulasies oor die bestuur van swangerskappe onder skoolgaande kinders, vir openbare kommentaar gepubliseer. Die departement sê die regulasies fokus daarop om die reg tot onderrig, soos in die grondwet bepaal, vir alle leerlinge, maar veral jong meisies te verskans. Hulle is ontwerp om te verseker dat swanger leerlinge ondersteun word om op skool te bly en na die geboorte terug te keer skool toe, sonder vrees van diskriminasie. Amanda Gouws, 'n professor in Politieke Wetenskap, wat 'n leerstoel in Gender Politiek beklee, het aan Monitor verduidelik hoekom sy voel die regulasies nog gebrekkig is.