‘n Beroepsgesondheidspraktisyn, dr. Dankiso Mkwanazi, was een van die sprekers by ‘n Agbiz-/Agbiz Grain-werksessie. Hy gesels onder meer oor die vyf risikogevare in die werksplek. Bufland Bonsmaras en ‘n paar gasverkopers van Limpopo hou op 3 April hulle veiling. Ons maandelikse internasionale landbounuus kom ook aan die beurt.

RSG Landbou

RSG Landbou 27 Maart 2024

Op ‘n plaas net buite Kaapstad word daar gretig met groente geboer. Byron Booysen sê dis vir hom veel belangriker om veilige, gesonde kos aan sy gemeenskap te lewer as om grootskaalse kontrakte los te slaan. Vasberadenheid is by hom ‘n wortelwoord. Dis ook heerlik om ‘n landbou-liefdesverhaal te deel. Dit was juis Byron se rissie-aanplanting wat destyds rooiwarm romanse aangevuur het. Ons kuier by ‘n jong man met ‘n hart vir sy naastes en ‘n oog op die toekoms, wat medemenslikheid sy mantra gemaak het.

RSG Landbou 27 April 2024

Francois Auret het onlangs sy meesterstudie voltooi oor die uitwerking van klimaatsverandering op die sagtevrugtebedryf. Hy gee raad aan nuwe toetreders, ook aan die hand van gratis hulpmiddels wat beskikbaar gestel word deur die departement landbou in die Wes-Kaap. Die heel eerste klimaatsindaba aangebied deur die Wes-Kaapse regering is verlede maand in Kaapstad gehou. Een van die deelnemers was Karen Shippey. Sy is Hoofdirekteur: Omgewingsvolhoubaarheid by die Wes-Kaapse Departement van Omgewingsake. Sy is onder andere ‘n kenner op die gebied van geslagsgelykheid en ‘n veranderende klimaat. Dr. Diane Mostert is ‘n navorser by die departement plantpatologie aan die Universiteit Stellenbosch. Sy bespreek haar navorsing ten opsigte van piesangverwelking en kanola.

RSG Landbou 26 April 2024

Die Nampo Oesdag word vanjaar vir die 56ste keer aangebied. Dit het as ‘n landboutegnologiedag op ‘n plaas in Bloemfontein begin. Dr. Dirk Strydom van Graan SA gesels oor vanjaar se geleentheid, wat van 14 tot 17 Mei by Nampopark naby Bothaville aangebied word. Johan van den Berg is op sy pos met weernuus, en Chris Derksen vertel wat vandeesweek met vleispryse in die Noord-Vrystaat gebeur het.

RSG Landbou 27 Maart 2024

In 1 playlist(s)

RSG Landbou

Social links

Recent clips