Op ‘n plaas net buite Kaapstad word daar gretig met groente geboer. Byron Booysen sê dis vir hom veel belangriker om veilige, gesonde kos aan sy gemeenskap te lewer as om grootskaalse kontrakte los te slaan. Vasberadenheid is by hom ‘n wortelwoord. Dis ook heerlik om ‘n landbou-liefdesverhaal te deel. Dit was juis Byron se rissie-aanplanting wat destyds rooiwarm romanse aangevuur het. Ons kuier by ‘n jong man met ‘n hart vir sy naastes en ‘n oog op die toekoms, wat medemenslikheid sy mantra gemaak het.

RSG Landbou

RSG Landbou 27 April 2024

Kobus Beyers, ‘n saaiboer van die Wolmaransstad-omgewing, is aangewys as die 2024 Agri Noordwes Jongboer van die Jaar. Ons hoor wat sy hart vinniger laat klop. Tyd is geld, en as ‘n produsent sy masjiene kan dophou sonder om op die plaas te wees, soveel beter. Diederik Hasselmann van CASE IH verduidelik hoe hulle Connect Room funksioneer. Ons hoor ook van Carina le Roux van Feedtek. Sy het tydens ‘n boeredag in die Noord-Kaap oor die waarde van addisionele byvoeding en lekke in ‘n beesboerdery gesels, en ook wat soms verkeerd gedoen word as dit by die voedingsprogram van beeste kom.

RSG Landbou 9 Mei 2024

Tru-Cape is optimisties oor die 2023/2024 appel- en peerseisoen. Calla du Toit gesels oor die seisoen wat vroeër begin het, asook die markte en vooruitsigte. Wanneer en hoe besluit ‘n produsent watter tegnologie belangrik en toepaslik is vir die gebruik van spilpunte op lande? Chrisjan Jansen van Vuuren van Lindsay Africa gee raad. Koos du Pisanie kuier op Willie Storm se plaas. Dié boer van Olifantshoek in die Noord-Kaap het merkwaardige sukses met veldverbetering behaal.

RSG Landbou 8 Mei 2024

Hoewel Suid-Afrika steeds die wêreldleier in makadamiaproduksie is, is produsente onder druk. Barend van der Schyff van Sabie Valley Macadamia Group vertel meer. Die aartappelprodusent in die Sandveld-gebied staar ook ‘n paar uitdagings in die gesig. Jannie Basson het die besonderhede. Die broer van die bekende boerbokram, Formula One, wat onlangs vir meer as R1 miljoen verkoop is, is eersdaags in Pretoria op veiling. Marius Verwey van Kruisrivier Boerbokstoet gesels oor sy veiling op 11 Mei.

RSG Landbou 27 April 2024

In 1 playlist(s)

RSG Landbou

Social links

Recent clips