Marline Burger, kuddebestuurder van die Percheron-perdestoet by die Wes-Kaapse Departement van Landbou, gesels oor die herkoms van dié diere, en hedendaagse boere wat steeds sin daarin het om hulle as werksperde op plase in te span. Sy bespreek ook die melkkudde se bestuur op die Elsenburg-navorsingsplaas buite Stellenbosch. Dr. Ronald Heath, direkteur van navorsing en beskerming by Bosbou Suid-Afrika, praat oor die gebruik van hommeltuie in die bosboubedryf.

RSG Landbou

RSG Landbou 2 Januarie 2026

Weet jy wat die rol van die Nasionale Landboubemarkingsraad is in terme van ‘n Artikel 7-ondersoek? Die Koringforum het vir ‘n ondersoek na die koringbedryf aansoek gedoen. Professor André Jooste verduidelik waarom dit nodig is. Die voordele van battery-aangedrewe tuingereedskap strek weier as net krag spaar, sê Riaan Kromhout van Husqvarna.

RSG Landbou 7 Januarie 2026

Het jy geweet Suid-Afrika is tiende op die lys van lande wat bewaringslandbou as ‘n boerderypraktyk aanvaar? Ons praat met dr. Hendrik Smit van Asset Research oor bewaringsboerdery, die aanvanklike uitdagings, toerusting en langtermynvoordele. Die Van Hasselt en Gasverkoper Veldramveiling vind op 15 Januarie op Willowmore plaas. Petrie Maré van BKB en House of Fibre vertel van Jodi van Hasselt se sukses as Angora-produsent, en wat by die veiling op aanbod sal wees.

RSG Landbou 6 Januarie 2026

Ons kuier op Zuurplaats in die Graaff-Reinet-omgewing by Groep 3 Merino’s. Weet jy wat die term, erfdwang, in die Merino-stoetbedryf beteken? Theo en Jaco Potgieter asook Kleintjie Pienaar verduidelik waarom dit ‘n vereiste tydens seleksie is. Dr. Simon Lashmar van die Landbounavorsingsraad praat oor die veelsydige rol van genomika in die veebedryf, en verduidelik hoe produsente nuwe ontwikkelings soos pangenome en mikrobiome prakties kan aanwend.

RSG Landbou 2 Januarie 2026

In 1 playlist(s)

RSG Landbou

Social links

Recent clips