1 Oktober 2026: Kuddeveearts dr. Danie Odendaal van Veearts Netwerk werk saam met veeartse, boere en produsente-organisasies om die veilige gebruik van bek-en-klouseer-entstof in kommersiële melk- en vleisbeeskuddes te evalueer. Voerkrale en selfs kommunale kuddes is by die gestruktureerde veldmoniteringsprogram ingesluit. Hy vetrel van hulle waarnemings. Ons hoor ook wat Chris Derksen oor hierdie week se vleispryse te sê het, en Johan van den Berg gesels weersake.

RSG Landbou: Veilige gebruik van bek-en-klouseer-entstof

30 September 2026: ‘n Gesogte internasionale appelkultivar het sy buiging op winkelrakke gemaak. Waarom nóg ‘n appelsoort? Calla du Toit van Tru Cape Vrugtebemarking verduidelik. Ons gesels met Johan Mouton van Molatek oor hoe ‘n dier se kondisie haar reproduksie beïnvloed. Hy verduidelik ook hoe kondisie gemeet word. Ons maandelikse internasionale landbounuus kom aan die beurt. Ons hoor onder meer van die vryhandelsooreenkoms tussen Nieu-Seeland en Indië, asook hoe duisende Roemeense boere in Boekarest betoog het teen die EU se verbod op die uitvoer van lewende diere.

RSG Landbou: Nuwe appelkultivar; Kondisie en reproduksie

29 September 2026: Wat is die praktiese verskil tussen eienaarskap van ‘n vuurwapen en die wettige besit en gebruik daarvan? ‘n Onlangse uitspraak van die Hooggeregshof gee nou groter regsekerheid oor die hantering van vuurwapens waarvan lisensies verval het, asook vuurwapens wat deel van bestorwe boedels vorm. Dr. Herman Els van Natshoot praat met ons hieroor. Die plant van ‘n pampoen vir die jaarlikse pampoenkompetisie sluit ‘n hele paar belangrike faktore in. Dis nou tyd om vir die 2027-kompetisie te plant. Henri Combrink van die Cullinan-tak van TLU SA gee raad.

RSG Landbou: Wat is verskil tussen eienaarskap van vuurwapen en besit en gebruik daarvan?

28 September 2026: Die toekenningsfunksie van die 29ste Samic Nasionale Karkaskompetisie het vanjaar weer die gehalte van die karkasse wat Suid-Afrikaanse veeprodusente lewer, in die kollig geplaas. Ons het daar met ‘n paar van die wenners gesels. Tom Westphal van Samic vertel van hulle toekomsplanne. Lubbe Jacobs van die Suid-Afrikaanse Vetveebeoordelaarsvereniging praat oor die waarde van hulle deelname. Die SA Knoffelkwekersvereniging se voortbestaan is onder druk. Een van die onderwerpe by hulle konferensie op 15 Oktober is alternatiewe maniere om inkomste te genereer.

RSG Landbou: Nasionale Karkaskompetisie; Knoffelkwekers onder druk

26 September 2026: Ons praat met die minister van landbou in die Wes-Kaap, dr. Ivan Meyer, en die nasionale minister van landbou, Willie Aucamp, oor die snelveranderende weersomstandighede en die gevare wat dit inhou.

RSG Landbou: Die gevare van snelveranderende weersomstandighede

25 September 2026: Reinard Geldenhuys, die bestuurder van nooddienste in die Overberg-distriksmunisipaliteit, sê mense moet beplan vir El Niño. Dr. Jack Bloom is onlangs aangestel as adjunkminister van water en sanitasie. Tydens sy besoek aan Nampo Kaap het hy gepraat oor die sanitasie-ekonomie. Outonome rovers en hommeltuie van verskillende groottes verrig uiteenlopende funksies. Hugo le Roux, die hoof uitvoerende beampte van NIK Suid-Afrika, verduidelik wat alles moontlik is. Dr. Ivan Meyer, die minister van landbou, ekonomiese ontwikkeling en toerisme in die Wes-Kaap, verduidelik wat die rol van die nasionale minister van landbou is binne die G20.

RSG Landbou: ‘Beplan vir El Niño’

24 September 2026: Dit is ‘n bekende feit dat kanolaverbouing in Suid-Afrika ‘n blink toekoms het. Die ander goeie nuus is dat droëland-kanolakultivars ook nou beskikbaar is. Ons het tydens Nampo Kaap met Piet Lombard van die Wes-Kaapse Departement van Landbou hieroor gesels. Ntaba Nyoni se Ankole en Vriende-veiling vind op 3 Oktober plaas. Johan van den Berg is terug met die jongste weervooruitsigte, en Chris Derksen gesels oor vleispryse.

RSG Landbou: Droëland-kanolakultivars nou beskikbaar

23 September 2026: Die BKB Groep se jongste finansiële resultate is op 9 September bekendgemaak. Volgens Jannie van Niekerk is die kontantvloei wat hulle kon genereer beslis die hoogtepunt. Hy vertel hoe dié groep sy sterkste finansiële prestasie nóg bereik het. ‘n Boer van Hartbeesfontein in Noordwes, Bertus Joubert, is die wenner van die 2026 TLU SA Jongboer van die Jaar-kompetisie. Hy het na tien jaar in Australië besluit om eerder in Suid-Afrika te kom boer. Ons gesels met hom oor sy boerdery. Ons hoor ook wat die Mazél en Magaliesberg Bonsmara-groep vir hulle veiling van 2 Oktober in Rustenburg beplan.

RSG Landbou: BKB lewer sterk finansiële resultate; Bertus Joubert - TLU SA Jongboer van die Jaar

22 September 2026: Veeprodusente word gewaarsku dat inkbessievergiftiging aan die toeneem is. Het jy geweet daar is twee soorte inkbessies wat in Suid-Afrika voorkom, en dat net een giftig is? Die beste voorkoming is om dié probleemplant uit te roei. Prof. Charlie Reinhardt gee raad. Wyntoerisme lewer ‘n noemenswaardige bydrae tot die voortbestaan van wynplase. Ons gesels met South Africa Wine om uit te vind wat hulle doen om wyntoerisme op plase te bevorder. Heinrich Victor is op sy pos met die jongste wolmarkverslag.

RSG Landbou: Inkbessievergiftiging; Wyntoerisme

21 September 2026: Het jy geweet dat 17 kommersiële varkplase in Suid-Afrika hierdie jaar bek-en-klouseer in hulle kuddes gehad het? Dr. Marlene Louw van die Suid-Afrikaanse Varkvleisprodusente-organisasie praat oor die stand van dié bedryf, biosekuriteit en innoverende maniere om varkvleis meer aantreklik vir die verbruiker te maak. Die Vereniging van Veevoervervaardigers het onlangs hulle bekende forum aangebied, en dr. Tobias Doyer van Graan SA het daar met ons gesels. Hy was deel van ‘n paneelbespreking wat gefokus het op globale seine wat ‘n impak op die plaaslike mark se wisselvalligheid en prestasie het.

RSG Landbou

Social links:

3,637 clip(s)