21 Augustus 2026: Dr. Ansulize Pepler, ’n staatsveearts, praat oor bek-en-klouseer in die Wes-Kaap en die maatreëls wat getref is om die veekundige ekonomie te beskerm. Sy verduidelik dit ook aan die hand van landbouskoue. Tertius Boshoff, die hoofwynmaker by Stellenrust, verduidelik die verskil tussen ‘n Shiraz en Syrah.

RSG Landbou: Bek-en-klouseer; Shiraz en Syrah

20 Augustus 2026: Wagyu-vleis is ‘n premiumproduk, maar wat beteken dit vir die verbruiker, die produsent en die handelsmerk? Tanya Pieterse van die Wagyu-genootskap praat oor regulatoriese aangeleenthede en protokolle, en deel ‘n paar feite oor die gesondheidsvoordele van dié vleis. Dit is ook onderwerpe wat tydens die Wagyu-wêreldkonferensie op 13 en 14 Oktober in die Wes-Kaap bespreek sal word. Die Sernick-groep bied op 4 September weer hulle veiling aan. Chris Derksen is terug met nuus oor vleispryse, en Johan van den Berg gesels weersake.

RSG Landbou: Wagyu

19 Augustus 2026: Dit is ongekende en ongesonde tye vir diere in Suid-Afrika. Sá sê prof. Dietmar Holm van die Universiteit van Pretoria. Hy is onlangs aangestel as die Melkprodusente-organisasie se hoofveearts, en sal Melk SA se dieregesondheid- en welsynsprojek onder die MPO-vaandel lei. Ons praat met hom oor sy nuwe rol. Het jy geweet die meeste vars groente en vrugte word daagliks tussen 12:00 en 16:00 by kettingwinkels gekoop. Verbruikerstendense het tydens Aartappels SA se kongres ter sprake gekom. Ons praat hieroor met Pieter van Zyl van die Shoprite-groep.

RSG Landbou: ‘Ongekende en ongesonde tydperk vir diere’

18 Augustus 2026: Die Wagyu-beestelersgenootskap van Suid-Afrika is in Oktober vanjaar die gasheer van die Wagyu-wêreldkonferensie. Waldo Scheepers vertel van hierdie geleentheid, spesifiek van die produksiepraktyke wat tydens die konferensie aandag sal geniet. Karsten Boerdery is ‘n bekende tafeldruifprodusent van die Noord-Kaap. Hulle het ook ‘n plaas by De Doorns. Anton Bothma is die bestuurder op dié plaas, en ons het tydens die afgelope SA Tafeldruifkonferensie met hom gesels.

RSG Landbou: Wagyu-wêreldkonferensie in Oktober in SA

17 Augustus 2026: Rico is ‘n Merino-ram wat vir langer as vyf jaar op sy eie in uiterste toestande in die Moordenaarskaroo oorleef het. Sy verhaal van veerkragtigheid skep nou ‘n geleentheid vir hardwerkende jongmense deur middel van 'n beursfonds. Dan Kriek van die Nasionale Wolkwekersvereniging vertel van die nuwe moontlikhede wat hieruit voortvloei. Die eerste Suid-Afrikaanse Tafeldruifkonferensie het onlangs plaasgevind, en Christo van der Westhuizen van Netafim het daar met ons gesels oor die keuse van ‘n besproeiingstelsel. Ons hoor ook wat Friedl von Maltitz oor die afgelope Vrystaat Landbou-kongres gesê het.

RSG Landbou: Rico, die Merino-ram, en ’n beursfonds vir jongmense

15 Augustus 2026: Jo-Andra Cloete Greegory se landboupad was aanvanklik onbeplan, maar die hartsreis wat sy onderneem het om haar plaas te vestig, het een geword waarop daar nie terugedraai kon word nie. Our Poultry Place is die naam van haar plaas en onderneming, en dis hier waar duisende kuikens hulle eerste lig onder haar wakende oog aanskou. Jo-Andra het destyds lewende kuikens en hoenders uit haar Opel Corsa in informele nedersettings verkoop. Vandag bestuur sy een van die snelgroeiendste hoenderplase in Suid-Afrika.

RSG Landbou: Jo-Andra se hoenders

14 Augustus 2026: Ons kyk na die belangrikheid van plantgesondheid-navorsing. Ons plaas die kollig op  hoe die bedryf die volgende geslag kan inspireer om hulle plek in een van Suid-Afrika se belangrikste ekonomiese sektore in te neem. En, ons hoor hoe om suksesvol van naakslakke en dopslakke ontslae te raak.

RSG Landbou: Plantgesondheid-navorsing; Naakslakke en dopslakke

13 Augustus 2026: Die Nasionale Wolkwekersvereniging vier vanjaar hulle honderdste bestaansjaar. Hullw het ook hulle 95ste kongres gehou. Dr. Arno Moore, ‘n voormalige bestuurder van die vereniging, praat oor die hoogtepunte tydens sy dienstydperk. Johan van den Berg het die jongste landbouweernuus, Chris Derksen het die jongste vleispryse.

RSG Landbou: Nasionale Wolkwekersvereniging vier eeufees

12 Augustus 2026: Die Brahman SA-beestelersgenootskap se vleisgehalte navorsingsprojek is reeds ‘n paar jaar aan die gang. Die bevindinge wys dat die vleis van suiwer Brahmankarkasse wat uit geregistreerde ouers geteel is, genoegsame variasie het om seleksie vir goeie gehalte vleis moontlik te maak. Sytze Smit praat met ons hieroor, en hy vertel wat ons van hulle nasionale veiling op 5 September buite Potchefstroom kan verwag. Het jy geweet aalwurms is ‘n groot probleem by subtropiese gewasse, veral by koejawels, piesangs, lietsjies en granadillas? Ons het dr. Mieke Daneel van die Landbounavorsingraad uitgevra oor die doeltreffende bestuur van aalwurms.

RSG Landbou: Brahman SA se vleisgehalte navorsingsprojek; Aalwurms by subtropiese gewasse

11 Augustus 2026: Die Anatoliese herdershond-veewagterprojek is in 2005 deur die Cheetah Outreach Trust begin om mens/roofdier-konflik op plase te verminder. Hierdie projek plaas dié kenmerkende honde by boere om hulle kleinvee teen roofdiere soos jagluiperds te beskerm. Hoe word plantenergie gemeet? At van Schalkwyk van World Focus Agri verduidelik.

RSG Landbou

Social links:

3,602 clip(s)