11 November 2026: ‘n Nasionale ramprojek vir kommunale wolboere hoop om die wolbedryf ‘n aansienlike hupstoot te gee. Volgens Dan Kriek van die Nasionale Wolkwekersvereniging gee die onlangse oorhandiging van ‘n klompie ramme aan ‘n skeerskuur, nuwe momentum aan ‘n ramprogram wat in die verlede baie suksesvol was. Kongresgangers by die Dohne Merino-wêreldkongres het die geleentheid gehad om ‘n paar plase te besoek. Ons hoor wat die besoek aan Boontjieskraal in die Overberg-distrik behels het. Aartappels SA het Oktober se aartappelmarkverslag.

RSG Landbou: Nasionale ramprojek vir kommunale wolboere

10 November 2026: Die Dohne Merino-wêreldkongres het onlangs in die Wes-Kaap plaasgevind. Ons hoor wat die voorsitter van die plaaslike genootskap, Koenas van der Westhuizen, oor dié spoggeleentheid te sê gehad het. Dirk de Beer is ‘n kommersiële Wagyu-beesteler van die Hoopstad-distrik in die Vrystaat. Hy het by die Wagyu-wêreldkongres aan ons vertel waarom hy juis met dié ras boer. Heinrich Victor is op sy pos met die jongste wolmarkverslag.

RSG Landbou: Waarom boer Dirk de Beer met Wagyubeeste?

9 November 2026: ‘n Tema wat by vanjaar se LRF Veeskool na vore gekom het, is dat beestelers altyd balans in gedagte moet hou. Wat beteken dit, en waarom is dit so belangrik? Het jy geweet dat Suid-Afrika, in weerwil van bek-en-klouseer, dit reggekry het om rooivleis na minstens vier lande uit te voer? Dr. Gerhard Neethling van Rooivleisbedryfsdienste het by die Wêreld Wagyu-kongres met kongresgangers oor uitvoervooruitsigte gesels.

RSG Landbou: Hoekom is balans so belangrik vir beestelers?

7 November 2026: Hierdie is ‘n storie oor films, gevinde diere, en hoe die wêreld onder water deurgaans aanpas. Jy kan glo dat feite gereeld fiksie troef in die ekonomie van verbasing. Wat plaaslike seelewe betref, is die merkbare verandering in haaigedrag ook iets wat ons ondersoek. Ferdie Endemann is ‘n voorligter in landbou-akwakultuur.

RSG Landbou: Landbou-akwakultuur

6 November 2026: Annalene Swanepoel is die wetenskaplike bestuurder van die plantdirektoraat by die Departement van Landbou in die Wes-Kaap. Liezl Mackenzie is ‘n geografiese inligtingstelsel-tegnikus by dieselfde departement. Die navorsingsplaas, Langgewens, het vanjaar sy honderdste bestaansjaar gedenk. Die twee dames dink liefderyk terug aan hulle grootwordjare op die plaas, asook die grensverskuiwende navorsing waarvan hulle deel was op dieselfde plaas.

RSG Landbou: Langgewens-navorsingsplaas vier 100 jaar

5 November 2026: In 2025 was daar sowat eenhonderdduisend hektaar sitrus in die grond, en die totale uitvoere was meer as 204 miljoen kartonne. Dit het Suid-Afrika vir die eerste keer die wêreld se grootste uitvoerder van vars sitrus maak. Die SA Sitrusakademie dra by tot dié sukses. Op 12 November word ‘n wildsplaas in die Tosca-omgewing opgeveil. Chris Derksen is op sy pos met die week se vleispryse, en Johan van den Berg het hopelik goeie nuus oor die weervooruitsigte vir somergraanaanplantings.

RSG Landbou: SA se sitrusuitvoere

4 November 2026: Hoe kan landbou met vertroue aan die verbruiker ‘n gehalteproduk lewer? Hendri Truter van DeliCo het by die afgelope Toyota US Woordfees hierdie vraag beantwoord. Hy praat ook oor noodsaaklike samewerking tussen rolspelers in die landbou. Alex Revelas van die Bosveld Bonsmara-groep praat oor hulle 40ste produksieveiling op 12 November op Bela-Bela. Cape Natural Tea Products is vanjaar 30 jaar oud. Ons het hulle vieringe op die Weskus bygewoon.

RSG Landbou: Cape Natural Tea Products vier 30 jaar

3 November 2026: Volgens weerkenner Johan van den Berg moet grondeienaars in sowel die winter- as somerreënvalgebiede die volgende paar maande op hulle hoede wees vir brande. RSG Landbou het onlangs met Tiaan Pool van die Nelson Mandela Universiteit oor brande gesels. Watter rol speel klimaatsverandering en El Niño daarin, en is Suid-Afrika voorbereid? ’n Vastetermyn-dienskontrak vir tydelike werkers kan spesiale klousules bevat waarvan werkgewers kennis moet neem. Heinrich Victor is terug met die jongste wolmarkverslag.

RSG Landbou: Brande

2 November 2026: Het jy geweet Agri-Expo se ontstaan dateer terug na 1831, toe die Kaap die Goeie Hoop Landbougenootskap gestig is? Breyton Milford het by die Toyota US Woordfees met ons gesels oor die projekte wat Agri-Expo aanbied, soos plattelandse skoue en die jaarlikse SA Suiwel- en Preserveerkampioenskap. Dit alles het ten doel om landbou te bevorder. Ons hoor wat Waldo Scheepers, die bestuurshoof van Wagyu SA, sê oor die afgelope Wêreld Wagyu-kongres wat vir die eerste keer in Suid-Afrika gehou is.

RSG Landbou: Agri-Expo se projekte

31 Oktober 2026: Carmen Brink het destyds op die plaas Oakhurst Olives in Tulbagh haar loopbaan begin as agriwerker. Vandag bestuur dié 35-jarige die proelokaal waar gaste van regoor die wêreld Aandoen om meer te leer oor Suid-Afrikaanse olyfprodukte.

RSG Landbou

Social links:

3,672 clip(s)