Hy is al langer as 50 jaar in die vermaaklikheidsbedryf, en ontvang aanstaande week 'n kykNET Fiësta-toekenning vir sy lewenslange bydra tot die kunste. Ons onthou hom as Willem du Toit saam met Katinka Heyns in die 1976 TV-reeks, WILLEM. Hy was ook Andries Bester in ONDER DRAAI DIE DUIWEL ROND. Dan was daar talle flieks, soos die REBELLIE VAN LAFRAS VERWEY en tientalle pantomimes. Hy het al in meer as 160 verhoogproduksies gespeel en in meer as 45 rolprente en TV-reekse. Ons praat van niemand anders nie, as Tobie Cronjé.