'n Suid-Afrikaanse sjef is pas deur die president van Frankryk, Emmanuel Macron, met een van Frankryk se hoogste eerbewyse bekroon. Die eerbewys staan bekend as Ridder in die Nasionale Orde van Verdienste. (Chevalier de l'Ordre national du Mérite) Chantel Dartnall het jare lank haar merk in Suid-Afrika gemaak, met grondverskuiwende werk by die Mosaic-restaurant in Pretoria, voor sy in 2021 Frankryk toe verhuis en die restaurant, Chateau des Tesnieres, in haar kasteel in die Bretagne-streek geopen het.