Terwyl taxis dikwels ‘n groot irritasie vir ander padgebruikers is, is hulle die wiele van Suid-Afrika se ekonomie. Die sowat 250 000 taxibestuurders vervoer elke dag ongeveer 15 miljoen mense werk toe. Kgosientsho Ramokgopa het gesê Eskom is binnegedring deur die konstruksiemafia van KwaZulu-Natal, wat ook bande met die taxibedryf het. In ‘n verslag van GITOC, ‘n internasionale organisasie teen georganiseerde misdaad, het die taxibedryf sy tentakels in byna elke geoganiseerde misdaadsektor, ook sluipmoorde. Dr. Piet Croucamp van Noordwes-Universiteit het ‘n paar jaar gelede sy doktorsgraad oor dié bedryf gedoen, en hy sluit by ons aan.