Verlede jaar was dit die eerste keer wat RSG 'n matriekafskeidsprojek gehad het. Ons het honderde inskrywings gekry, en op die ou end is Allistacia Arendse in haar droomrok matriekafskeid toe, en Athluano Stevens in 'n deftige pak na sy matriekafskeid toe. Vandag skop vanjaar se projek af in samewerking met die Elizabeth Galloway Academy of Fashion. Ons praat hieroor met Fiona Abdo, akademiese direkteur van die Elizabeth Galloway-akademie, en Amoré Swanepoel, RSG se bemarkingsbestuurder.