Het jy geweet daar is 'n sport soos skyfgholf, of frisbeegholf? Die Afrikakampioenskappe van dié sport skop môre in Johannesburg af. Om ons meer oor die sport en die toernooi te vertel, kuier Stefan Radley by ons in die ateljee.

Afrika-kampioenskappe vir frisbeegholf in Johannesburg aangebied

Die langverwagte plaaslike verkiesings is verby, en die uitslae is besig om drupsgewys in te kom. Ontleders is die eens dat dit 'n waterskeidingsverkiesing vir sal Suid-Afrika wees. Die stryd in van die belangrikste metro's in Suid-Afrika was fel, en verskeie koalisierade is ons voorland. Ons praat hieroor met die politieke ontleder verbonde aan die Universiteit van Pretoria, Roland Henwood.

Só kan politieke landskap ná verkiesing lyk

5 November 2026: Albé Grobbelaar praat oor stafsersant Barry Sadler wat meer as net ’n soldaat was. Hy is ook die skepper van die liedjie, The Ballad of the Green Berets.

Historiese Almanak: Stafsersant Barry Sadler

5 November 2026: Dawie Roodt van die Efficient-groep praat oor die nadraai van die plaaslike en Amerikaanse verkiesings.

Sakenuus: So, wat nou?

Die Vryheidsfront Plus het dit met tye hot gehad tydens die verkiesingsveldtog, tog sê die party hy het die beste veldtog in sy bestaan gevoer. Dit was dr. Corné Mulder, se eerste verkiesing as leier van die party, nadat hy in Februarie verlede jaar verkies is. Om oor die party se veldtog en verwagtinge te gesels, sluit Corné by ons aan.

Corné Mulder oor verkiesing en koalisies

Die verkiesing is verby, die stemme word getel en die uitslae word met belangstelling dopgehou. Die DA het in Johannesburg die langste veldtog in die party se bestaan gevoer - meer as 'n jaar lank. Die DA-burgemeesterskandidaat vir Johannesburg is Helen Zille. Sy het Suid-Afrika aan die gons gehad met haar veldtog toe sy in slaggate gesnorkel het, gefoefieslaaid het, en teen 'n hoë spoed in 'n ou 3-reeks BMW gespin het. Helen sluit by ons aan om oor die verkiesing en koalisies te praat.

Helen Zille oor verkiesing en koalisies

Die gesprek om die RSG-ontbyttafel begin elke oggend met ‘n oorsig van die dag se hoofopskrifte op plaaslike en internasionale nuuswebwerwe en koerantvoorblaaie.

Wat jy vandag moet weet 5 November 2026

Terwyl miljoene Suid-Afrikaners vandag hulle kruisies trek, beplan baie om nadat hulle gestem het, iets op die kole te gooi. Dis immers 'n bonusvakansiedag in die middel van die week. Jan Braai het geen bekendstelling nodig nie, en daar het onlangs 'n splinternuwe boek van hom en Kobus Galloway van Idees vol Vrees, verskyn. En nie te lank terug nie, het Jan se indrukwekkende braai-resepteboek, Atmosvuur, ook verskyn.

Gaan jy braai nadat jy gestem het? Jan Braai sê of hy gaan

Die geliefde sangeres, Judy Boucher, wat Suid-Afrikaanse gehore oor baie jare met treffers soos Can't Be With You Tonight en You Caught My Eye bekoor het, herstel tans in die hospitaal nadat sy ernstig beseer is.

In die kollig 2 – 4 November 2026

Daar is 'n spreekwoord wat lui dat daar twee dinge is waarvan 'n mens seker kan wees in die wêreld: belasting en die dood. Millennia al is daar rituele om van mense wat gesterf het, afskeid te neem. In Suid-Afrika is daar 'n wye verkeidenheid soort begrafnisse. Tog duik die vraag dikwels in moderne samelewings op: Is daar nog 'n doel aan 'n begrafnis? Die teoloog en skrywer, professor Cas Wepener, het onlangs 'n artikel hieroor in Rapport geskryf, en baie reaksie daarop gekry. Cas is verbonde aan die Universiteit Stellenbosch.

Dien begrafnisse nog 'n doel?

Op en Wakker is 'n ontbytprogram met al die inligting, vermaak en opheffende inhoud wat jy nodig het om die dag op die regte voet te begin.

Op en Wakker is 'n ontbytprogram met al die inligting, vermaak en opheffende inhoud wat jy nodig het om die dag op die regte voet te begin.

Op en Wakker

Social links:

8,149 clip(s)