Die 80ste Algemene Vergadering van die Verenigde Nasies is tans in New York onderweg. Wêreldleiers is die afgelope paar dae besig om oor allerlei kwessies te vergader, onder meer die oorloë in Gasa en Oekraïne, 'n onafhanklike Palestynse staat en handelstariewe. Terwyl die Amerikaanse president, Donald Trump, die VN se bestaansreg in twyfel getrek het, het Suid-Afrika se president, Cyril Ramaphosa, gesê die VN se rol is nou belangriker as ooit. Ons praat hieroor met die politieke wetenskaplike verbonde aan die Universiteit van Pretoria, Roland Henwood.