Die minister van polisie, Firoz Cachalia, het die naweek die Westbury-woonbuurt in Johannesburg besoek ná 'n massaskietery waar vyf mense geskiet is. Twee van die vyf, 'n jong ma en haar jaaroue baba, is dood. Inwoners kla al jare lank oor misdaad en bendebedrywighede in die buurt, en is angsbevange. Cachalia is nie die eerste polisieminister wat Westbury besoek nie, en geweldsmisdaad duur onverpoos voort. Ons praat met twee inwoners van Westbury, Bridget Munnik is 'n berader en bestuurder van die Westbury-jeugsentrum, en pastoor Sherwin Deiling.