Op en WakkerLouis Liebenberg: Hoe ingewikkeld is die saak?
Derduisende beleggers, en minstens R4 miljard wat weg is. Die borgtogaansoek van die diamantsmous, Louis Liebenberg, en sy medebeskuldigdes is nou al weke aan die gang. Liebenberg het gister sy getuienis begin, nadat hy sy regspan in die pad gesteek het, en self sy verdediging waarneem. Daar was dramatiese tonele terwyl die borgaansoeke onderweg was, met Liebenberg wat op die landdros geskree het dat God hom sal oordeel, Liebenberg wat kliphard in die aanhoudingselle sing en voortdurend MK-party strydkrete in die hof bulder. Ons praat hieroor met adv. Francois Botes, wat voorheen insae in van Liebenberg se sake gehad het.
