Vir 13 weke het kykers vasgenael gesit en gekyk hoe daar op vure van die allerlekkerste kos gemaak word. Daar was drama, bloed, sweet en trane en glimlagte in Kokkedoor Vuur & Vlam op kykNET, wat gisteraand ten einde geloop het. Johan de Villiers van Durbanville en Lourens Engelbrecht van Pretoria het met die Goue Haan-trofee en 'n miljoen rand weggestap as die wenners van dié gewilde kosprogram.