Sedert die Amerikaanse president, Donald Trump, byna presies 'n jaar gelede sy visier op Suid-Afrika ingestel het, haal Suid-Afrika amper weekliks die internasionale nuus. Trump het onder meer vlugtelingstatus aan Afrikaners verleen, wat later verander is na alle minderheidsgroepe in Suid-Afrika. Trump beskuldig ook die Suid-Afrikaanse regering van 'n volksmoord op boere. En benewens die "vlugtelinge" na Amerika, doen duisende Suid-Afrikaners seisoenwerk op plase in Amerika. Rian van Heerden het 'n aangrypende dokumentêre reeks, Beloofde Land, oor hierdie kwessies gemaak.