Op en WakkerIs grondhervorming suksesvol?
Die regering is op die regte pad met regstellende geregtigheid wat grondhervorming in Suid-Afrika betref. Dit was die slotsom van die minister van landbou, Thoko Didiza, toe sy onlangs die bevindings van 'n uitgebreide studie oor grondhervorming die afgelope 30 jaar in Suid-Afrika bekend gemaak het. Didiza sê die doel van die regering se grondhervormingsplan is om die siklus van armoede onder swart Suid-Afrikaners te verbreek. Ons praat hieroor met dr. Theo de Jager, voorsitter van die Suider-Afrikaanse Agri-inisiatief, SAAI, en 'n boer van Limpopo.
