Die DA-kongres begin môre in Midrand, en daar gaan 'n hele paar van die party se topleiers vervang word, onder andere John Steenhuisen se leiersposisie en die voorsitter van die Federale Raad, wat tans deur Helen Zille beklee word. Daar sal ook oor beleidskwessies gepraat word én besluit word of die party 'n adjunkleier moet kry. Ons praat hieroor met die politieke joernalis en skrywer, Jan-Jan Joubert.