’n Demensiediagnose beteken nie dat die lewe ophou nie. Mense kan steeds betekenisvolle verhoudings hê, stokperdjies geniet, keuses maak en deel van hulle gemeenskap wees. Met die regte ondersteuning, begrip en beplanning is daar steeds ruimte vir vreugde, waardigheid en lewenskwaliteit. Die Vereniging vir Demensie en Alzheimers van Suid-Afrika (ADASA) wil juis hierdie boodskap beklemtoon: Leef goed met demensie - daar is lewe ná die diagnose. Welma Geldenhuys, ‘n senior maatskaplike werker by ADASA in Gauteng,  vertel hoe mense met demensie en hulle families hierdie reis kan aanpak, sonder dat die diagnose die mens daaragter definieer.

Leef steeds voluit met demensie

Pediatriese pulmonoloog dr. Delano Rhoode gee raad oor kinderkwale. Hy praat oor ’n sesjarige wat baie in haar slaap beweeg; en ’n driejarige wat sukkel met hardlywigheid.

Hoe gaan dit met jou kind? 16 Oktober 2026

Antoinette Pienaar praat oor goedheid en guns.

Antoinette sê... 16 Oktober 2026

Toinette Finlay Keel is die stigter van Wings of Gratitude op Lydenburgin Mpumalanga. Dis ‘n organisasie sonder winsbejag wat die gemeenskap bystaan met voedingsprogramme en praktiese hulp aan mense wat moet kies tussen kos, medisyne koop of huur betaal. Sy sien eerstehands die impak wat armoede op mense het. Ons praat met haar oor armoede, waardigheid, en die verskil wat ’n helpende hand kan maak.

Armoede, waardigheid en ‘n helpende hand (Deel 2)

Party mense ontdek hulle passie eers ná jare se ervaring, maar vir ander begin die reis sommer baie vroeg. Sjef Toerie van der Merwe was maar 17 jaar oud toe hy reeds as ’n sjef in die Weermag gewerk het. Dit was die begin van ’n loopbaan waarin kos, kreatiwiteit en entrepreneurskap ’n belangrike rol sou speel. Vandag is hy die man agter Njam Eatery in Linden, waar hy sy liefde vir kos en goeie geure uitleef. Hoe lyk die pad van ’n jong sjef in ’n militêre kombuis tot ’n gevestigde naam in die restaurantbedryf? Ons gesels met hom oor die beginjare, die lesse wat hy geleer het en die ervarings wat hom gevorm het.

Sterskieter: Toerie van der Merwe (Deel 1)

Ons word dikwels aangemoedig om meer vrugte en groente te eet, maar wat gebeur met daardie produkte tussen die winkel en jou bord? Moet alles gewas word sodra jy by die huis kom? Waar bêre jy wat? En kan die verkeerde manier van bêre veroorsaak dat jou vars produkte vinniger bederf? Ons vra dié vrae aan Annelien Pienaar, ‘n voedselwetenskapdosent, kookboekskrywer en kenner wat ingewikkelde voedselwetenskap prakties vir die gewone huishouding verduidelik. Ons kyk na hoe om vrugte en groente veilig te hanteer en te bêre, met die doel om nie net voedselveiligheid te verbeter nie, maar ook om langer waarde uit jou vars produkte te kry.

Voedselveiligheid: Vrugte en groente – was, bêre en gebruik dit reg

Marinda Engelbrecht neem ons op ’n baie persoonlike reis deur die ervaring van iemand wat met obesiteit leef - die gevoelens, die selfbeeld en die dinge wat mense van buite af nie noodwendig raaksien nie. Dit is ’n eerlike gesprek oor wat dit beteken om jouself te probeer aanvaar wanneer jy lankal nie meer gemaklik in jou eie vel voel nie.

Die mens binne die liggaam (Deel 2)

Ons almal ken die goedbedoelde raad: “Dink positief”, “Alles gebeur met ’n rede” of “Kyk net na die mooi kant.” Maar wanneer iemand deur ’n moeilike tyd gaan, kan hierdie soort positiwiteit soms meer skade as goed doen. Ons praat met Johannes de Villiers oor die verskil tussen ware vreugde en toksiese positiwiteit, en of ’n mens eintlik altyd gelukkig behoort te wees.

Vol vreugde: Toksiese positiwiteit

Wanneer ’n ouer persoon alleen woon, is dit maklik om te dink dat wanneer ’n selfoon of ’n paniekknoppie naby is, alles onder beheer is. Wat gebeur wanneer daardie knoppie gedruk word? Wie ontvang die sein? Wie weet wie die persoon is? Wie sorg dat die regte hulp daar uitkom? Hennie Joubert is die stigter en besturende direkteur van Call4Care, ook bekend as EQiGate, en werk al jare met nood- en sorgkoördinering vir ouer mense.

Nood- en sorgkoördinering vir ouer mense (Deel 2)

Pediatriese pulmonoloog dr. Delano Rhoode gee raad oor kinderkwale. Hy praat oor ‘n eenjarige wat tande sny, en sukkel om te eet en slaap; ’n seuntjie met; en ‘n baba van 9 maande wat nie baie slaap nie.

Intussen met Eloise

Social links:

1,329 clip(s)