21 Oktober 2026: Minister Enoch Godongwana laat verbruikers 'n sug van verligting slaak. Hoogdrama by die King Phalo-lughawe in die Oos-Kaap ná 'n dreigement oor 'n bom aan boord. Die Menseregtekommissie gaan dringend ingryp by die Bronkhorstspruit-waterkwaliteitskrisis.

Brandpunt: Hoogdrama by die King Phalo-lughawe in die Oos-Kaap

20 Oktober 2026: 'n Ondersoek begin na die beweerde versuim deur Tshwane-amptenare om chloor in die drinkwater te gooi. Shadrack Sibiya, die voormalige adjunk nasionale polisiekommissaris, se borgtogaansoek is van die hand gewys. Grootskaalse onrus plaas toenemende druk op Europese regerings om op toenemende openbare ontevredenheid te reageer.

Brandpunt: Shadrack Sibiya borgtog geweier

19 Oktober 2026: Die nasionale polisiekommissaris, generaal Fannie Masemola, hervat sy pligte, en sê sy hoofprioriteit is om die polisiediens te verenig en institusionele integriteit te versterk. Suid-Afrikaners verloor in 2025 sowat R2,4 miljard weens digitale bankmisdaad. Oudpresident Thabo Mbeki het voor die Khampepe-kommissie van ondersoek in Johannesburg begin getuig.

Brandpunt: Generaal Fannie Masemola hervat sy pligte

16 Oktober 2026: 'n Rugbyspeler van die Lions is vanoggend in Frankryk voor die wedstryd teen La Rochelle oorlede. 'n Getuie wat voor die Madlanga Kommissie van Ondersoek vlug, sal die naweek agter tralies deurbring. Die Weermag se Projek Kgala in samewerking met Kuba is ná onreëlmatige uitgawes van meer as R270-miljoen gestaak.

Brandpunt: Lions-rugbyspeler sterf in Frankryk

15 Oktober 2026: Die ANC het ernstige vrae oor sy vennootskap met die DA binne die Regering van Nasionale Eenheid. Die voormalige adjunk-polisiekommissaris, Shadrack Sibiya, sal nog 'n naweek agter tralies deurbring. Die wenner van vanjaar se Nobelprys vir Vrede, Navi Pillay, hoop om jong Suid-Afrikaners te inspireer.

Brandpunt: ANC het ernstige vrae oor DA in RNE

14 Augustus 2026: 'n Rekord aantal aansoeke vir spesiale stemme is deur die OVK goedgekeur. Die moord op vier ANC-lede is na die Gautengse taakspan vir politieke moorde verwys. Inwoners van Graaff-Reinet sleep minister Gayton McKenzie hof toe oor die beplande naamsverandering.

Brandpunt: Rekord aantal aansoeke vir spesiale stemme

13 Oktober 2026: Gemeenskappe regoor die land word gevra om die derduisende matriekleerlinge te ondersteun. Twee verklarings word versoek om die voormalige luitenant-generaal Shadrack Sibiya se borgaansoek voort te sit. Die voormalige Springbokafrigter, Jake White, gaan Fidji gereed kry vir die Wêreldbekertoernooi.

Brandpunt: Jake White brei Fidji vir Wêreldbeker

12 Oktober 2026: Die ANC koes vir beskuldigings van die regbank tydens sy stryd teen die OVK in die Konstitusionele Hof. Luitenant-generaal Shadrick Sibiya bedank kort nadat die Polisie met sy dissiplinêre verhoor begin. Regter Navi Pillay sê in die toekenning van die Nobelprys vir Vrede, lê 'n boodskap opgesluit vir President Donald Trump.

Brandpunt: Luitenant-generaal Shadrick Sibiya bedank

9 Oktober 2026: Ontstoke Suid-Afrikaners eis dat die regering die Konstitusionele Hof se beslissing oor asielaansoekers ongedaan te maak. Die Nobelprys vir Vrede word toegeken aan een van Suid-Afrika se groot geeste, dr. Navi Pillay. Die land se fliekvlooie word die naweek blootgestel aan rolprente uit Saoedi-Arabië.

Brandpunt: Nobelprys vir Vrede aan Suid-Afrikaner toegeken

8 Oktober 2026: Die regering rig ernstige waarskuwing aan mense wat waninligting en bangmaakstories oor Suid-Afrika se voorgenome hantering van asielaansoekers en vlugtelinge versprei. Die Suid-Afrikaanse Kaapse Korps-party  gaan in 33 wyke in die Sol Plaatje-stadsraad in Kimberley in die Noord-Kaap meeding in die munisipale verkiesings. Umalusi sê ondanks 'n tekort aan nasieners vir Afrikaans Huistaal, Engels Huistaal en Geskiednis, is hy tevrede dat al die assesseringsliggame hulle toesighoudende personeel voldoende opgelei het.

Brandpunt

Social links:

1,138 clip(s)