Ngomhla wamashumi amabini anethoba kuDecember uMzantsi Afrika wafaka ityala kwinkundla ejongene nobulungisakwihlabathi, utyhola ilizwe lakwaSirayeli ngokwenza imbubhiso yabantu eGaza. Ilizwe lakwaSirayeli lamisela abomkhosi belalizwe kulandela uhlaselo lwe-Hamas lwangomhla wesixhenxe kuOctober wonyaka ophelileyo, lukhokhelela ekubulaweni kwabantu abaliwaka elinamakhulu amathathu nokuthinjwa kwabantu abangamakhulu amabini anamashumi amane. Ukuzokuthi ga ngoku, abalizwe lakwaSirayeli babuele amaPalestina angaphaya kwamashumi amabini anesithathu amawaka, nalapho uninzi lwamaxhoba ingamanina nabantwana. Ngolwesine weveki ephelileyo uMzantsi Afrika ubukulenkundla uxoxa ngelithi le nkundla mayichaze okwenzeka eGaza njenge mbubhiso yabantu, nalapho ilizwe lakwaSirayeli liye lavakalisa ezalo iingxoxo ngosuku olulandelayo.