Umbutho olwela amalungelo oluntu, iBlack Sash, uvakalise inkxalabo yawo kukwanda kwamanani abantu ababoleka imali, ze kuthathwe izazisi zabo amakhadi ebhanka kwakunye namakhadi abo akwa-SASSA ngababolekisi ngemali abangekho mthethweni, nekuthiwa xa bebizwa ngoomatshonisa.  Lo mbutho uthi uluntu loMzantsi Afrika olusokolayo, nolungakwaziyo ukubeka into etafileni, lubhenela ekubolekeni imali kwaba matshonisa, nabaye babize inzala exhome kakhulu.  Oku bakwenza kuba bengakwazi ukubolekwa imali ziibhanka zeli.  Bambi banyanzeleka ukuba bakwelite ukutya kwizikroxo zeendawo abahlala kuzo.