Urhulumente waseMpuma Koloni uphehlelele isikolo sezophapho i-Eastern Cape Aviation School, e43 Air School eCawa. Eli linyathelo elikhulu kwicandelo lemfundo ephondweni, nanjengoko lenkqubo izakuba yeyokuqala ezimbalini. Esisikolo sezophapho seMpuma Koloni, injongo yaso kukwakha isikolo samabanga aphakamileyo senzululwazi kwizifundo zophapho, njengenxalenye yezifundo zikarhulumente ezigxile kubunzululwazi, ubuchwepheshe, ubunjineli nezibalo. Kulindeleke abafundi abangamashumi amabini anesihlanu ukuba baqalise kulonyaka.