Isebe lemfundo eMpuma Koloni liqinisekisile ukuba ibhubhile ititshala ebileqiselwe esibhedlele eMthatha, izolo kwisiganeko sokudutyulwa kweetitshala kwisikolo samabanga aphantsi eNtabankulu. Oku kuze emva kokuba isekela nqununu elinqunyanyisiweyo lingene ngenkani esikolweni ladubula iititshala ezingamanina ezimbini, ze emva koko lazibulala phambi kwabantwana besikolo. Umrhanelwa ebengaphandle nge bail emva kwezityholo zokudlwengula abantwana besikolo.