Siqukumbela iveki siqwalasela amanqaku ebephala phambili ezindabeni, naquka iinguqu ezenziwe nguMongameli uCyril Ramaphosa kwi cabinet nalapho sibone ukuchongwa phakathi kwabanye, kobefudula engumphathiswa wezonxibelelwano uDina Pule njengomphathiswa wophuhliso loluntu, imingcelele kazwelonke echasene nabemi bamazwe angaphandle abakweli ngaphandle kwamaphepha afanelekileyo, isiphakamiso senkundla yamatyala okutyiwa kwemali sokugwetywa kosomashishini osezingxakini iminyaka elishumi elinesibini entolongweni, ndaweni yeminyaka esibhozo amagqwetha ka Matlala kwakunye negunyabantu lezotshutshiso avumelene ngayo, kwakunye nendibano yenkokheli ye MKP uJacob Zuma nosapho lakwa Gupta phakathi kweminye imiba.